အမုန်းပင်လယ်လက်တကမ်း
နှလုံးသားတစ်ခြမ်းနဲ့
အသည်းအသန်ကူးခတ်
ကမ်းတစ်ဖက်မှာ ချစ်ခြင်းတဲ့လားကွယ်
ရောင်စုံနူးညံ့ သင်းပျံ့ထုံပွင့်လွှာပါးနဲ့
ဇကာခြား မျက်လွှာချ
ပင်လယ်ကိုတောင် ပြာကျမတက်
မျက်စောင်းခတ်သံတွေ
ကိုးနဝင်းနဲ့သိဒ္ဓိတင်ရင်း
ရေခဲမြစ်တစ်စင်းလို တိုက်စားခြင်းတွေနဲ့
နှလုံးသားကြမ်းပြင်ထက်မှာ
ချစ်သူရဲ့အငွေ့အသက်ကလေးတွေ
ထာဝရ အေးခဲစေတော့
အနိုင်ယူတက်လွန်းတဲ့ နှင်းဆီတစ်ဖူးရဲ့
မိုးကြိုးစက် အကြည့်တစ်လက်မှာ
ပဝါဖြူကို အလံလိုထူခဲ့
နေညိုလေ့ရှိတဲ့
တောင်စွယ်မှာ ဗဟိုပြု
ရာဇဒါဏ်သင့်ခဲ့တဲ့ ချစ်ခြင်းတစ်ခုလို
ရှင်သန်ခြင်းတွေလည်း စည်းတစ်ဖက်ခြားမှာ
နှောင်းတမြေ့မြေ့ ဝေဒနာ
လေလာတိုင်း ရင်းမှာကြွေ
အိပ်ပျက်သူအတွက် ညတာလည်းရှည်ရဲ့
No comments:
Post a Comment